نێچیرڤان بارزانی: سڵاو له‌و قه‌ڵه‌مانه‌ی خزمه‌ت به‌ زمانی دایک ده‌که‌ن

نێچیرڤان بارزانی سه‌رۆكی هه‌رێمی كوردستان" په‌یامێكی له‌ رۆژی جیهانی زمانی دایك بڵاوكرده‌وه‌.
له‌ په‌یامه‌كه‌ی سه‌رۆكی هه‌رێمدا هاتووه‌" له‌ ڕۆژی جیهانیی زمانی دایکدا، جه‌خت له‌ پاراستن و بره‌ودان به‌ زمانی شیرینی کوردی و هه‌موو زمان و زاراوه‌کانی کوردستان ده‌که‌ینه‌وه‌. 
نێچیرڤان بارزانی ده‌شڵێت: سڵاو له‌و قه‌ڵه‌مانه‌ی خزمه‌ت به‌ زمانی دایک و له‌وانه‌ی فره‌زمانی و فره‌کولتووریی کوردستان ده‌پارێزن و کار بۆ پێکه‌وه‌ژیان ده‌که‌ن.
لە 17ی تشرینی دووەمی ساڵی 1999، رێکخراوی یۆنیسکۆی سەر بە نەتەوە یەکگرتووەکان، رۆژی 21ی شوباتی ھەموو ساڵێکی وەک رۆژی جیھانی زمانی دایک ناساند.