سه‌رۆكی حكوومه‌تی هه‌رێمی كوردستان ئه‌مڕۆ سێشه‌م په‌یامێكی سه‌ره‌خۆشی ئاراسته‌ی بنه‌ماڵه‌ی شه‌هید هاوكار جاف كرد و تێیدا جه‌ختی كرده‌وه كه ده‌بێت ئه‌نجامده‌رانی تیرۆركردنی هاوكار جاف به سزای یاسایی خۆیان بگه‌ن.
ئێوارەی ئەمڕۆ سێشەم مەسرور بارزانی سەرۆکی حکوومەتی هەرێمی کوردستان لە پەیوەندییەکی تەلەفۆنیدا پرسە و سەرەخۆشی لە بنەماڵەی شەهید عەقید هاوکار جاف کرد بۆ کۆچی دوایی خوالێخۆشبوو سیامەند عەبدوڵای برای.
سەرۆکی حکوومەت هاوخەمی خۆی پێگەیاندن و هیوای خواست خوای مەزن گیانی بە بەهەشت شاد بکات و سەبر و ئارامییش بە بنەماڵەکەیان ببەخشێت.
سەرۆکی حکوومەت هه‌ر له په‌یوه‌ندییه ته‌له‌فۆنییه‌كه‌دا دووپاتی کردەوە کە کەیسی تیرۆرکردنی شەهید هاوکار جاف دەبێت ڕێچکەی یاسایی خۆی وەربگرێت و ئەنجامدەرانی ئەم تاوانە بە سزای یاسایی خۆیان بگەن.
کۆمێنت (0)
تا ئێستا هیچ کۆمێنتێک نەکراوە.