سەرۆکی حکوومەتی هەرێمی کوردستان ڕەزامەندی لەسەر خەرجکردنی زیاتر لە 20 ملیار دینار بۆ سنووری پارێزگای سلێمانی دا بۆ گواستنەوە و کۆکردنەوە و داپۆشینی خۆڵ و خاشاک لە سنوورەکە.
فەرمانگەی میدیا و زانیاری حکوومەتی هەرێمی کوردستان ڕایگەیاند: لە چوارچێوەی گرنگیدانی کابینەی نۆیەمی حکوومەتی ھەرێمی کوردستان بە خزمەتکردنی ھاووڵاتیانی ھەرێمی کوردستان، بە ڕەچاوکردنی بەرژەوەندی گشتیی لە پارێزگاکان و ئیدارە سەربەخۆکانی ھەرێمی کوردستان، مەسرور بارزانی، سەرۆکی حکوومەتی هەرێمی کوردستان، ڕەزامەندی دا لەسەر تەرخانکردن و خەرجکردنی گوژمەی 20 ملیار و 848 ملیۆن دینار بۆ ماوەی 3 ساڵ، بە مەبەستی گواستنەوە و کۆکردنەوە و داپۆشینی خۆڵ و خاشاک.
ئاماژەی بەوەش داوە کە ئەو گوژمەیە لە سنووری بەڕێوەبەرایەتی گشتی شارەوانییەکانی سلێمانی، گوژمەی 9 ملیار و 975 ملیۆن بۆ ماوەی 3 ساڵ بۆ سنوری زۆنی (2) دووكان، گوژمەی 10 ملیار و 873 ملیۆن بۆ ماوەی 3 ساڵ بۆ سنوری زۆنی (3) چەمچەماڵ لەسەر بوودجەی بەڕێوەبەرایەتی گشتی شارەوانیيەکانی سلێمانی خەرج دەکرێت.
کۆمێنت (0)
تا ئێستا هیچ کۆمێنتێک نەکراوە.