ئه‌مڕۆ چوارشه‌م بۆ یه‌كه‌مجار و دوای 12 ساڵ له ده‌ستپێكی شه‌ڕی ناوخۆی سووریا، فڕۆكه‌ی وڵاتێكی ئه‌وروپی له فڕۆكه‌خانه‌ی دیمه‌شقی پایته‌ختی سووریا نیشته‌وه.
فڕۆكه‌كه نه‌رویجی بوو و كۆمه‌ك و هاوكاری هه‌ڵگرتبوو بۆ بریندار و لێقه‌وماوانی بوومه‌له‌رزه‌كانی باشووری سووریا.
له ده‌ستپێكی ڕووداوی بوومه‌له‌رزه‌كه‌ی سووریا و توركیا له رۆژی 6ی ئه‌م مانگه‌وه، تا ئێستا 200 فڕۆكه له ڕێگه‌ی فڕۆكه‌خانه‌ی نێوده‌وڵه‌تی دیمه‌شقه‌وه كۆمه‌ك و هاوكارییان گه‌یاندۆته ئه‌و وڵاته، به‌ڵام سه‌رجه‌می فڕۆكه‌كان هی وڵاتانی دراوسێ و ده‌روروبه‌ر بوون وه‌ك ئیماڕات و عومان و تاجیكستان و ئۆزبه‌كستان و ڕووسیا و كوێت و چه‌ند وڵاتێكی تریش.
به‌مه‌ش ئه‌م فڕۆكه نه‌رویجییه بووه یه‌كه‌م فڕۆكه‌ی وڵاتێكی ئه‌وروپی دوای 12 ساڵ و له سه‌ره‌تای سه‌رهه‌ڵدانی شه‌ڕی ناوخۆی سووریاوه له فڕۆكه‌خانه‌ی دیمه‌شقی پایته‌خت بنیشێته‌وه.
کۆمێنت (0)
تا ئێستا هیچ کۆمێنتێک نەکراوە.