بەپێی ڕاپۆرته ڕۆژنامەوانییه‌كان، ڕووسیا هەوڵ دەدات بەشێوەیەکی بەرچاو هەناردەکردنی نەوتی وڵاتەکەی کەم بکاتەوە، ئەمەش بەمەبەستی بەرزکردنەوەی نرخی نەوتی خاو بۆ وڵاتانی ڕۆژئاوا.
ئاژانسی ڕۆیته‌رز له‌مباره‌یه‌وه بڵاوی كرۆدته‌وه: لەوانەیە ڕووسیا تاوەکوو مانگی ئازار هەناردەکردن لە ناوەندەکانی هەناردەکردنی ڕۆژئاواییەوە تاوەکوو 25% کەم بکاتەوە.
ئەو سەرچاوەیە پشتڕاستی کردەوە کە بۆری نەوتی دەوڵەت پێشتر بە دوو کۆمپانیای ڕاگەیاندووە کە لە مانگی ئازاردا بە 20% بۆ 25% کەمتر بارکردن وەردەگرن لەوەی کە لە سەرەتادا لە بەندەرەکانی ڕۆژئاوای ڕووسیا داوایان کردووە.
سەرچاوەیەک ئاماژەی بەوە دا کە پێدەچێت کەمکردنەوەی هەناردەکردن گەورەتر بێت لە کەمکردنەوەی بەرهەمهێنانی پلان بۆ داڕێژراو، هەروەها یارمەتیدەر بێت بۆ بەرزکردنەوەی نرخی نەوتی ڕووسیا.
لای خۆیه‌وه ئەلێکساندەر نۆڤاک جێگری سەرۆک وەزیرانی ڕووسیا سەرەتای ئەم مانگە باسی لەوە کرد کە مۆسکۆ بە نیازە لە مانگی ئازاردا خۆبەخشانە بەرهەمهێنانی نەوتی خۆی بە بڕی 500 هەزار بەرمیل لە ڕۆژێکدا کەم بکاتەوە.
کۆمێنت (0)
تا ئێستا هیچ کۆمێنتێک نەکراوە.