بەمەبەستی زیاتر بەرەوپێشچوونی ئاستی ناوبژیوانان، یەکێتی ناوەندی بۆکسێنی کوردستان لەهۆڵی یانەی سەوە لە شاری کەرکووک هەڵسا بەئەنجامدانی خوڵێکی ناوبژیوانی بۆ یاری بۆکسێن.
راگەیاندنی یەکێتی ناوەندی بۆکسێنی کوردستان ڕایگەیاند: له کردنەوەی خولەکەدا سەرۆک و سکرتێرو ئەمینداری دارایی یەکێتی بۆکسێنی کوردستان ئامادەی بوون، ئەم خولە بەسەرپەرشتی هەردوو ناوبژیوانانی نێو دەوڵەتی (فڕاس سوهێل ناسڕ و ڕەباح هاشم سەلمان ) بەڕێوەچوو و بۆ ماوەی چوار ڕۆژ بەردوام دەبێت..
ڕاشیگەیاند: لەم خولەدا 35 ناوپژیوانی شارەکانی هەولێرو کەرکوک و سلێمانی تێدا بەشدارن ، بڕیاریشە سبەی شەممە 25ی2ی2023 لە هۆڵی یانەی سەورە لە شاری کەرکوک ،له کۆتا ڕۆژی خولەکەدا بڕوانامەی پلە سێ بەسەر ناوبژیوانانی بەشداربوو دابەش بکرێ .
جێگای ئاماژە پێکردنه یەکێتی بۆکسێنی کوردستان یەکێکه له یەکێتیە چالاکەکانی سەر بەلێژنەی ئۆڵۆمپی کوردستان ، له ماوەی ڕابردوودا چەندین چالاکی ئەنجامداوە ، وێڕای خولی کردنەوەی جۆراوجۆر بۆ ڕاهێنەران و ناوبژیوانان.
کۆمێنت (0)
تا ئێستا هیچ کۆمێنتێک نەکراوە.