بەڕێوەبەرایەتی کۆنترۆڵی جۆری دەرمان داخستنی ژمارەیەک دەرمانخانە و کۆگای دەرمانی بەهۆی مامەڵەکردن بە دەرمانی قاچاخ ڕاگەیاند.
لە ڕاگەیەنراوێک بەڕێوەبەرایەتی کۆنترۆڵی جۆری دەرمان (KMCA) ڕایگەیاند: بە هۆکاری مامەڵەکردن بە دەرمانی بێ سەرچاوە و قاچاخ، دادگە بڕیاری دا بە داخستنی شەش دەرمانخانە و دوو کۆگای دەرمان، هەروەها دەستگیرکردنی سەرپێچیکاران بۆ ماوەی شەش مانگ لە شاری هەولێر.
ڕاشیگەیاند: دامەزراوەی کۆنترۆڵی جۆری دەرمان هۆشداری دەدات کە لێژنەکانیان بەردەوامن لەسەر بەدواداچوونیان بۆ ڕێگەگرتن لە مامەڵەکردن بە بەرهەمی نایاسایی و قەدەخەکراو.
بەڕێوەبەرایەتی کۆنترۆڵی جۆری دەرمان هەر لە ڕاگەیەنراوەکەدا ئاگاداری سەرجەم دەرمانخانەکان دەکاتەوە کە پابەندی تەواوی ڕێنماییەکان بن و خۆیان لە مامەڵەکردن بە دەرمانی قاچاخ و ساختە بەدووربگرن، بە پێچەوانەوە ڕووبەڕووی سزای یاسایی توندیان دەکاتەوە.
کۆمێنت (0)
تا ئێستا هیچ کۆمێنتێک نەکراوە.