له‌ هه‌ولێر پاڵه‌وانێیه‌تی هێزی له‌شی كوردستان له‌سه‌ر ئاستی كوڕان و كچان به‌ڕێوه‌ده‌چێت

له‌ژێر چاودێری لێژنه‌ی ئۆلۆمپی هه‌رێمی كوردستان، به‌سه‌رپه‌رشتی یه‌كێتی ناوه‌ندی هێزی له‌شی كوردستان، پاله‌وانێیه‌تی هێزی له‌ش بۆ هۆڵ و یانه‌كانی كوردستان له‌سه‌ر ئاستی كوڕان و كچان له‌هۆڵی زانكۆی جیهان له‌هه‌ولێر به‌رێوه‌ده‌چێت. 
 كاتژمێر 1:30 پاش نیوه‌ڕۆی سبه‌ی هه‌ینی 3 ی 3ى 2023، كێبڕكێیی پاڵه‌وانێتییه‌كه‌ له‌سه‌ر ئاستی كوڕان  به‌ به‌شداری هۆڵ و یانه‌كانی كوردستان ده‌ستپێده‌كات ، كاتژمێر 1:30پاش نیوه‌ڕۆی رۆژی شه‌ممه‌ش 4ى 3ى 2023، كێبڕكێی كچان له‌سه‌ر ئاستی هۆڵ و یانه‌كانی كوردستان له‌هه‌مان هۆڵی ئاماژه‌ پێدراو ده‌ستپێده‌كات. 
كاروچالاكییه‌كانی لێژنه‌ی ئۆلۆمپی هه‌رێمی كوردستان به‌ پشتیگری كابینه‌ی نۆیه‌می حكوومه‌تی هه‌رێمی كوردستان به‌رده‌وامه‌ . 

راگه‌یاندنی لێژنه‌ی ئۆلۆمپی هه‌رێمی كوردستان
2ى3ى2023