دوای سەردانەی سەرۆکی حکوومەتی هەرێمی کوردستان بۆ زاخۆ و دانانی بەردی بناغە بۆ چەندان پڕۆژەی گرنگ، ڕاگەیاندنی ئیدارەی سەربەخۆی زاخۆ جەخت دەکاتەوە کە پڕۆژەکان لە جێبەجێکردندان.
لە ڕاگەیەنراوێک ئیدارەی سەربەخۆی زاخۆ ڕایگەیاند: لەژێر چاودێری مەسرور بارزانی سەرۆکی حکوومەتی هەرێمی کوردستان بەردی بناغەی ژمارەیەک پڕۆژە لە سنووری ئیدارەی زاخۆ دانرابوون، کە پێکهاتبوون لە پڕۆژەکانی جووتسایدی ئیبراهیم خەلیل – باچیکان لەگەڵ سۆلین و ئاڤرێژ، گەیاندنی کارەبا، بە گوژمەی زیاتر لە 18 ملیار دینار.
ڕاشیگەیاند: درێژی جووتسایدی ئیبراهیم خەلیل – باچیکان 3.6 کیلۆمەترە و پانییەکەی 33 مەترە، هەروەها شەقامەکە دەبێتە تەواوکەری شەقامی سەرەکی (دێرەبوون- ئیبراهیم و ئیبراهیم خەلیل – زاخۆ) کە بە شەقامێکی نێودەوڵەتیی هەژمار دەکرێت، ئەو پڕۆژەیەش ئاسانکاری بۆ هاتووچۆ خەڵکی دەڤەرەکە و هەروەها هاتووچۆی بازرگانی لەنێوان تورکیا و عێراق و کوردستان دەکات.
ئیدارەی سەربەخۆی زاخۆ لە ڕاگەیەنراوەکە جەختیشی کردۆتەوە کە پڕۆژەکان بەردەوامن لە جێبەجێکردن.
کۆمێنت (0)
تا ئێستا هیچ کۆمێنتێک نەکراوە.