نرخی دۆلار لە بازاڕە ناوخۆییەكان جێگیر بووە.. بزانە بۆتە چەند؟

 ئەمڕۆ شەممە، نرخی دۆلار لە بازاڕە ناوخۆییەكانی عێراقدا جێگیر بوو.
نرخی فرۆشتنی دۆلار ، بۆ هەر 100 دۆلارێك 152 هەزار و 500 دینارە، لە كاتێكدا نرخی كڕینی دۆلار بە 152 هەزار دینارە بۆ هەر 100 دۆلارێك .
پێشتر، بانكی ناوەندی عێراق بڕیاریدا، ، دەستكاری نرخی دۆلار بەرامبەر دیناری عێراقی بكات، بەو پێیەی نرخی كڕینی دۆلارێك لە وەزارەتی دارایی گەیشتە هەزار و 300 دینار بۆ هەر دۆلارێك و بە (1310) دینار بۆ هەر دۆلارێك بە بانكەكان لە ڕێگەی پلاتفۆرمی ئەلیكترۆنیەوە دەفرۆشێت، و بە (1320) دینار بۆ هەر دۆلارێك لە بانكەكان و دامەزراوە داراییە نابانكییەكانەوە بۆ سودمەندی كۆتایی، دەفرۆشرێت.
وێڕای بڕیاری بانكەكە، كەچی نرخی 100 دۆلار هێشتا لە بازاڕەكانی ناوخۆی عێراق و هەرێمی كوردستاندا لە نێوان 152 هەزار دینار تا 156 هەزار دینار مامەڵەی پێوەدەكرێت.