بزانە بانكی ناوەندی عێراق چۆن بەكارهێنانی پارەی كاش كەمدەكاتەوە ؟

ئەمڕۆ شەممە بانكی ناوەندی عێراق ڕایگەیاند، ساڵی ئێستا شایەتی پێشكەوتنێكی بەرچاو و سەرنجڕاكێش و بەرجەستە دەبێت بۆ كەرتی بانكی و بەكارهێنانی پارەی كاش كەمدەكاتەوە.
عەمار حەمەد خەڵەف ،جێگری پارێزگاری بانكی ناوەندی، لە وتارێكدا لە میانی كۆڕ و پێشانگای خزمەتگوزارییە بانكی و بازرگانییەكان ڕایگەیاند: كەرتی بانكی شایەتحاڵی چاكسازی ڕوونە كە لە فشاری گواستنەوەی دەرەكییەوە دەستی پێكردووە.
 ئاماژەی بەوەشكرد ، ئێمە بەردەوامین لە چاكسازییەكان بۆ هەموو ئاستەكان و چاكسازی لە پارەدانی ئەلیكترۆنیدا هەیە.
هەروەها گوتیشی: ئاڕاستەی دەوڵەت بەگشتی بریتییە لە بەكارهێنانی ئامێری پارەدانی ئەلیكترۆنی و كەمكردنەوەی بەكارهێنانی پارەی كاش لە پرۆسەی ئاڵوگۆڕی كەرتی بانكیدا، كە بەدەست هەندێك كێشەی كۆنەوە دەناڵێنێت.
 ناوبراو لە درێژەی قسەكانیدا گوتی، بانكی ناوەندی كاری كردووە لەسەر ئاسانكاری بۆ دابینكردنی دارایی بازرگانان و گواستنەوەی بازرگانی دەرەكی، و پابەندبوونێكی ڕوون لە یاسای بەرەنگاربوونەوەی سپیكردنەوەی پارە بۆ دابینكردنی دارایی تیرۆر هەیە.