سەرۆکوەزیرانی عێراق ڕایگەیاند، بە هاوکاری حکوومەتی هەرێمی کوردستان کۆنترۆڵی سنوورەکانیان لەگەڵ ئێران و تورکیا کردووە.
محەمەد شیاع سوودانی سەرۆک وەزیرانی عێراق لە چاوپێکەوتنێکدا لەگەڵ ئەلعەرەبییە، ڕایگەیاند: هەر دەستدرێژییەک بۆ سەر سنوورەکانی عێراق ڕەت دەکەینەوە، چ لەلایەن ئێران یان لە تورکیاوە بێت، ئێستاش هێزەکانی فیدراڵی بە هاوکاری لەگەڵ هەولێر کۆنتڕۆڵی سنوورەکانیان لەگەڵ هەردوو وڵات کردووە.
ڕاشیگەیاند: ڕەتکردنەوەی هێرشەکانی تورکیا و ئێران لەلایەن حکوومەتەکەیەوە بە ڕێوشوێنی فەرمی بووە و پێویستە ناڕەزایەتیی وڵاتان بەرامبەر بە عێراق ئاشتییانە بێت و لە ڕێگەی چەکەوە نەبێت.
سەرۆک وەزیرانی عێراق لە چاوپێکەوتنەکە جەختی لە ڕووبەڕووبوونەوەی گەندەڵی کردەوە. هاوکات ئاماژەی بەوەش دا کە ڕێگە بە هیچ لایەنێک نادەین عێراق بخاتە ناو شەڕ و ململانێکانەوە، کە دژی بەرژەوەندی نیشتمانی بێت."
کۆمێنت (0)
تا ئێستا هیچ کۆمێنتێک نەکراوە.