به‌ڕێوه‌به‌رایه‌تی هاتوچۆی هه‌ولێر ئه‌مڕۆ یه‌كشه‌م ئاگادارییه‌كی سه‌باره‌ت به داخستنی یه‌كێك له شه‌قامه سه‌ره‌كییه‌كانی شاری هه‌ولێر بڵاو كرده‌وه و ئاشكراشی كرد كه داخستنه‌كه بۆ ماوه‌ی چه‌ند رۆژێك به‌رده‌وام ده‌بێت.
فازڵ حاجی به‌ڕێوه‌به‌ری ڕاگه‌یاندنی هاتوچۆی هه‌ولێر ڕایگه‌یاند: سەرجەم هاووڵاتییان و شوفێران ئاگادار دەکەینەوە، کەوا لە ئەمڕۆ یه‌كشه‌مه‌وه جووتسایدی گەزنە دادەخرێت و لادانی کاتی کە هاوڕێک لەگەڵ شەقامەکە دروستکراوە، دەبێتە ڕێگای بەدیل
ڕاشیگه‌یاند:هۆکاری داخستنەکە لەبەر پەڕاندنەوەی بۆڕی ئاوی ئیفرازە لەو شوێنەدا.
به‌ڕێوه‌به‌ری ڕاگه‌یاندنی هاتوچۆی هه‌ولێر جه‌ختیشی كرده‌و ه‌كه ماوەی داخستنەکە بۆ چەند ڕۆژێک دەبێت.
کۆمێنت (0)
تا ئێستا هیچ کۆمێنتێک نەکراوە.