له‌ سلێمانی باندێكی دزیكردن دەستگیركران

به‌ڕێوه‌به‌رایه‌تیی پۆلیسی سلێمانی ڕایگه‌یاند كه‌ لەلایەن مەفرەزەكانیانه‌وه‌ توانیویانه‌‌ باندێكی دزیكردن كه‌ له‌ چوار كەس پێكهاتبوون، دەستگیر بكه‌ن.

پۆلیسی سلێمانی ڕایگه‌یاند: دوای ئەوەی چەند هاووڵاتییەك سكاڵایان تۆمار كرد كە دزییان لێ كراوە، مەفرەزەکانی بەشی نەهێشنی تاوانی سلێمانی لێكۆڵینەوە و بەدواداچوونەكانیان دەست پێ كرد و توانرا لەلایەن نووسینگەی ڕۆژهەڵات بە هاوكاری نووسینگەی كوردساتی نەهێشتنی تاوانی سلێمانییەوە باندێكی چوار كەسی دەستگیر بكرێن.

تۆمه‌تباره‌كانیش بریتی بوون له‌:-

ژ، ع، م - لە دایكبووی 1996

م، ن، ق - لە دایكبووی 1998

ب، ح، ح - لە دایكبووی 1997   

أ، س، ز - لە دایكبووی 1999

ئاماژه‌ی به‌وه‌ش دا كه‌ به‌بڕیاری دادوەر و بە پێی ماددەی 443 لەیاسای سزادانی عیراقی ڕاگیراون و دانیان ناوە بە زیاتر لە 20 تاوانی دزیكردن، وەك دزیكردن لە سوپەرماركێت و دەرمانخانە و دزینی ماتۆڕسكیل و پارچەی ئۆتۆمبێل.

پۆلیسی سلێمانی جه‌ختیشی كرده‌وه‌ كه‌ لە كاتی دەستگیركردنی تۆمەتباراندا، دەستگیراوە بەسەر بڕێك له‌ كەلوپەلی دزراو، هەروەها دوو لە تۆمەتبارەكانیش بەكارهێنەری مادەی هۆشبەرن.