وه‌زاره‌تی ناوخۆی عێراق ئه‌مڕۆ دووشه‌م به فه‌رمی ده‌ستپێكردنی ده‌رهێنانی جيلی سێیه‌م له پاسپۆرتی ئه‌لیكترۆنی ڕاگه‌یاند.
وه‌زاره‌تی ناوخۆ له به‌یاننامه‌یه‌كدا ڕایگه‌یاند: له‌ژێر چاودێری محه‌مه‌د شیاع سوودانی سه‌رۆك وه‌زیران و فه‌رمانده‌ی گشتیی هێزه چه‌كداره‌كان و عه‌بدولئه‌میر شه‌مه‌ری وه‌زیری ناوخۆی عێراق، هه‌روه‌ها به‌دواداچوونی ڕاسته‌وخۆی به‌ڕێوه‌به‌ری باری شارستانی و پاسپۆرت و نشینگه، ئێواره‌ی ئه‌مڕۆ دووشه‌م پڕۆژه‌ی دروستكردنی پاسپۆرتی ئه‌لیكترۆنی ده‌ستی پێ كرد و كه‌وته بواری جێبه‌جێكردنه‌وه.
وه‌زاره‌تی ناوخۆ ئاشكراشی كرد كه گۆڕانكاری گه‌وره‌یان له پاسپۆرته نوێیه‌كه‌دا كردووه به‌تایبه‌تیش له ڕووی پڕۆسه‌ی مامه‌ڵه‌ی ده‌رهێنان و پێشكه‌شكردن و كوالێتی و خێراییه‌وه.
کۆمێنت (0)
تا ئێستا هیچ کۆمێنتێک نەکراوە.