لێژنەی ئۆلۆمپی هەرێمی کوردستان ڕایگەیاند، کۆتایی بە خولی راهێنەری و ناوبژیوانان لە یاری بەرزکردنەوەی قورسایی لەسەر ئاستی کوردستان و عێراق هات
راگەیاندنی لێژنەی ئۆلۆمپی هەرێمی کوردستان ڕایگەیاند: لەژێر چاودێری لێژنەی ئۆلۆمپی هەرێمی کوردستان، بەسەرپەرشتی یەکێتی ناوەندی بەرزکردنەوەی قورسایی کوردستان کۆتایی بەخولی ناوبژیوانی و راهێنەری بۆ ژمارەیەک لە یاریزانان و ناوبژیوانان و راهێنەران هات.
ڕاشیگەیاند: لە خولەکەدا یەکێتی بەرزکردنەوەی قورسایی عێراقیش هاوکاربوو، کە زیاتر لە 60 کەس لە یاریزان و راهێنەران و ناوبژیوانان لەسەر ئاستی کوردستان و عێراق بەشداربوون.
ئەوەشی خستەڕوو کە "ئێوارەی ئەمڕۆ سێشەممە 7ـی 3ـی 2023، لە هۆڵی کولێژی پەروەردەی وەرزشی زانکۆی سەلاحەددین لەشاری هەولێر کۆتایی بەخولە دوو ڕۆژییەکە هات و تێیدا لەماوەی ئەم دوو ڕۆژەشدا لەلایەن چوار وانەبێژی عێراقی و کوردستانییەوە نوێترین زانیاریی و گۆڕانکارییە تازەکان لە یاسای بەرزکردنەوەی قورسایی کوردستان بە بەشداربووان وترایەوە و بروانامەی بەشداربونیش بە بەشداربوون درا."
ئاماژەی بەوەش داوە کە کار و چالاکییەکانی لێژنەی ئۆلۆمپی هەرێمی کوردستان بە پشتگیری کابینەی نۆیەمی حکومەتی هەرێمی کوردستان بەردەوامە.
کۆمێنت (0)
تا ئێستا هیچ کۆمێنتێک نەکراوە.