سه‌رله‌ئێواره‌ی ئه‌مڕۆ سێشه‌م له‌چوارچێوه‌ی یارییه‌كانی قۆناغی 32ی جامی عێراق، هه‌ردوو یانه‌ی نه‌ورۆز و زاخۆ دووچاری شكست بوون و یانه‌ی هه‌ولێریش به لێدانی سزای یه‌كلاكه‌ره‌وه بۆ قۆناغی 16ی پاڵه‌وانیه‌تییه‌كه سه‌ركه‌وت.
یانه‌ی زاخۆ له‌نێو یاریگه و جه‌ماوه‌ری له قۆناغی 32ی جامی عێراق مێوانداری یانه‌ی زه‌وڕای كرد، یانه‌ی مێواندار توانی به گۆڵێكی خاوێن كه حوسێن عه‌بدولكه‌ریم له خوله‌كی 34 تۆماری كرد، یارییه‌كه بباته‌وه و خۆی بگه‌یه‌نێته قۆناغی 16ی پاڵه‌وانیه‌تییه‌كه.
له یارییه‌كی تریشدا یانه‌ی نه‌ورۆز له‌نێو یاریگه‌ی فڕه‌نسۆ هه‌ریری له شاری هه‌ولێر مێوانداریی نه‌فتی میسانی كرد، به‌ڵام نه‌یتوانی سه‌ركه‌وتن به‌ده‌ستبێنێ و به ئه‌نجامی 1-2 گۆڵ یارییه‌كه‌ی دۆڕاند و به‌مه‌ش له ڕكابه‌رییه‌كانی جامی عێراق كرایه ده‌ره‌وه.
یانه‌ی هه‌ولێریش بووه مێوانی یانه‌ی سه‌ماوه و به‌لێدانی سزای یه‌كلاكه‌ره‌وه و به ئه‌نجامی 5-6 گۆڵ یارییه‌كه‌ی برده‌وه، دوای ئه‌وه‌ی له‌كاتی ئاساییدا هه‌ردوو یانه‌كه به ئه‌نجامی 1-1 گۆڵ یه‌كسان بوون، به‌مه‌ش یانه‌ی هه‌ولێر سه‌ركه‌وت بۆ قۆناغی 16ی جامی عێراق.
یارییه‌كه‌ی نێوان هه‌ردوو یانه‌ی قاسم و دهۆكیش له قۆناغی 32ی جامی عێراق دواخرابوو.
به‌شێوه‌یه‌كی گشتی ئه‌نجامی یارییه‌كانی تری قۆناغی 32ی جامی عێراق به‌مشێوه‌ی خواره‌وه بوون:-
رمادی 1-4 به‌حری (لێدانی سزای یه‌كلاكره‌وه)
ئه‌لحوڕ 0-2 قووه جه‌وییه
كه‌رخ 5-4 كاره‌با (لێدانی سزای یه‌كلاكره‌وه)
نه‌فتی ناوه‌ڕاست 2-0 حه‌یفا
ته‌له‌به 2-1 دیوانییه
حدوود 3-0 حه‌ویجه
نه‌جه‌ف 2-4 ئه‌مانه‌ی به‌غدا (لێدانی سزای یه‌كلاكره‌وه)
مه‌سافی 1-0 نه‌فت
شرگات 2-1 غازی باكور
نه‌فتی به‌سڕا 1-0 عفك
یارییه دواخراوه‌كانیش بریتین له:-
قاسم – دهۆك
شوڕته - مه‌سافی جنووب
كه‌ربه‌لا – سناعه
کۆمێنت (0)
تا ئێستا هیچ کۆمێنتێک نەکراوە.