ئەمڕۆ چوارشەممە 3/8 مەسرور بارزانی سەرۆكی حكومەتی هەرێمی كوردستان لە گەڵ ئانالێنا بێربۆك وەزیری دەرەوەی ئەڵمانیا كۆبووەوە.
سەرۆكی حكومەت سوپاسی ئەڵمانیای كرد بۆ هاریكاری و پشتیوانیكردنی هەرێمی كوردستان بەتایبەتی لە شەڕی دژ بە داعش . هەروەها پێزانینی هەرێمی كوردستانی بۆ پەرلەمانی ئەڵمانیا دووپاتكردەوە بۆ بەجێنۆسایدناساندنی كۆمەڵكوژی ئێزدییان.
وەزیری دەرەوەی ئەڵمانیا ، خۆشحاڵی خۆی بە سەردانی هەرێمی كوردستان نیشاندا و ئاماژەی بە پێگەی گرنگ و دیاری هەرێم لە ناوچە كرد و ئامادەیی وڵاتەكەی بۆ پەرەپێدانی هەمەلایەنە پەیوەندییەكان لەگەڵ هەرێمی كوردستان دەربڕی.
گرنگیی ئەنجامدانی هەڵبژاردنی پەرلەمانی كوردستان لە كاتێكی گونجاوی ئەمساڵ، چاكسازییەكانی كابینەی نۆیەم لە بواری هەمەجۆركردنی ئابووری و گرنگیدان بە كەرتی كشتوكاڵ و هەناردەكردنی بەروبوومی ناوخۆیی بۆ بازاڕەكانی دەرەوە, پێویستیی جێبەجێكردنی ڕێككەوتننامەی شنگال و ئاساییكردنەوەی بارودۆخی ناوچەكە و دەرچوونی گرووپ و میلیشیا چەكدارەكانی دەرەوەی یاسا و گەڕانەوەی ئاوارەكان بۆ شوێنەكانیان و پاراستنی ئاسایش و سەقامگیریی هەرێمی كوردستان و ڕووبەڕووبوونەوەی تیرۆر بە گشتی، چەند تەوەرێكی دیكەی گفتوگۆكان بوو .
دوای کۆبوونەوەکەش، سەرۆکوەزیرانی ھەرێمی کوردستان و وەزیری دەرەوەی ئەڵمانیا کۆنفرانسێکی رۆژنامەوانیی ھاوبەشیان ئه‌نجامدا و له ده‌ستپێكدا ئانالێنا بێیەربۆک وه‌زیری ده‌ره‌وه‌ی ئه‌ڵمانیا رایگه‌یاند: لە دڵەوە سوپاستان دەکەین بۆ هاوکارییەکانتان بۆ قوربانییانی بوومەلەرزە لە تورکیا، هه‌رێمی كوردستان له‌سه‌ر ئاستی جیهان ناوبانگی ده‌ركردووه" ئه‌ڵمانیا به‌رده‌وام ده‌بێت له پشتیوانی كردنی بۆ هه‌رێمی كوردستان و به‌رده‌وامیش ده‌بین له پشتگیركردنی هێزه‌كانی پێشمه‌رگه .
راشیگه‌یاند: بڕی800 ملیۆن یۆرۆمان بۆ هاوکاریکردنی ئاوارەکان لە هەرێمی کوردستان ناردووە.
گوتیشی: ھاوکاری ھێزە عێراقییەکان دەکەین بۆ ئەوەی بتوانن بەرگری لە خۆیان بکەن.
ئەنالینا بێربۆک، وەزیری دەرەوەی ئەڵمانیا ئاماژه‌ی به‌وه‌شكرد: مەترسیی داعش لەم ناوچەیە کۆتایی نەهاتووە و هاوئاهەنگیی نێوان سوپای عێراق و پێشمەرگە گرنگە.
له به‌شێكی دیكه‌ی ووته‌كانی وه‌زیری ده‌ره‌وه‌ی ئه‌ڵمانیا رایگه‌یاند: هاوکاریی هێزە عێراقییەکان دەکەین بۆ ئەوەی بتوانن بەرگری لە خۆیان بکەن.
هه‌ر له كۆنگره رۆژنامه‌وانییه‌كه‌دا مه‌سرور بارزانی رایگه‌یاند: بەناوی خەڵکی هەرێمی کوردستانەوە سوپاسی حکومەت، پەرلەمان و خەڵکی ئەڵمانیا دەکەم بۆ بەجینۆسایدناساندنی کۆمەڵکوژیی ئێزدییەکان کە هاوکارییەکی زۆر بوو لە ناساندنی ئەو تاوانەی بەرامبەر خوشک و برا ئێزدییەکانمان کرا.
گوتیشی: ێپەیوەندیی نزیکی نێوان ئەڵمانیا و هەرێمی کوردستان بووەتە رێخۆشکەر کە خەڵکی کوردستان جێگەی خۆیان لە ئەڵمانیا بکەنەوە.
مه‌سرور بارزانی ئاماژه‌ی به‌وه‌شكرد: هاوڕابووین لەسەر ئەوەی خەڵکی شنگال بتوانن بە کەرامەت و شەڕەفەوە بگەڕێنەوە جێگای خۆیان.
مەسرور بارزانی راشیگه‌یاند: لەگەڵ وەزیری دەرەوەی ئەڵمانیا باسی پتەوکردنی دیموکراسی، جێبەجێکردنی یاسا، رووبەڕووبوونەوەی تیرۆریزم و باشترکردنی ژیانی خەڵکی هەرێمی کوردستان کرد.
سه‌رۆك وه‌زیرانی هه‌رێمی كوردستان گوتیشی: هاوکاری و پشتیوانیتان بۆ هەرێمی کوردستان لەکاتی شەڕی داعشدا جێگەی پێزانینە و، ئێوە یارمەتییەکی زۆری ئێمەتاندا بۆ ئەوەی زاڵ بین بەسەر ئەو گرووپە تیرۆریستییە دڕندەیە.
هه‌روه‌ها مه‌سرور بارزانی رایگه‌یاند: پەیوەندیی نزیکی نێوان ئەڵمانیا و هەرێمی کوردستان بووەتە رێخۆشکەر کە خەڵکی کوردستان جێگەی خۆیان لە ئەڵمانیا بکەنەوە.
دوێنێ سێشەممە7ی3ی2023، وەزیری دەرەوەی ئەڵمانیا، ئانالێنا بێیەربۆک گەیشتە بەغدا و لە میانیدا له‌گه‌ڵ سه‌رۆكایه‌تییه‌كانی عێراق كۆبۆوه و به‌یانی ئه‌مڕۆش گه‌یشته هه‌ولێری پایته‌ختی هه‌رێمی كوردستان به‌مه‌به‌ستی كۆبوونه‌وه‌ی له‌گه‌ڵ به‌رپرسانی باڵای هه‌رێمی كوردستان.
کۆمێنت (0)
تا ئێستا هیچ کۆمێنتێک نەکراوە.