زیرەك حەسەن،بەڕێوەبەری شارەوانی قەزای مەخمور تایبەت بە كوردستان تیڤی رایگەیاند: بۆ زیاتر گەیاندنی خزمەتگوزاری و نەهێشتنی ئەو شەقامانەی كە كێشەی قیڕتاوكردنیان هەیە ، بەڕێوەبەرایەتی شارەوانی قەزای مەخمور بە پشتیوانی پارێزگای هەولێرو نەینەوا ،پڕۆژەی قیرتاوكردنی شەقامە سەرەكییەكانی گەڕەكی كوردستان و بەستنەوەی شەقامی سەرەكی نێوان ناحیەی قەراج و مەخمور كەوتە بواری جێبەجێكردن.
هەروەها گوتی: جگە لەم پڕۆژەیە لە ئاییندەیەكی نزیكدا پڕۆژەی قیرتاوكردن لە شەقامی سەرەكی سەیرانگای ئاوی بن بەرد كە دەكەوێتە بواری جێبەجێكردن.
گوتیشی: بەهەوڵ و پشتیوانی حكومەتی هەرێمی كوردستان و پارێزگای هەولێر، كاری جوان و پڕ خزمەتگوزاریمان بۆ هاووڵاتیانی ناوچەكە دەبێت .
هەواڵ و فۆتۆ/ كارزان كاكل
کۆمێنت (0)
تا ئێستا هیچ کۆمێنتێک نەکراوە.