ڕێژەی بارانبارینی ئەمڕۆی بەشێک لە ناوچەکانی هەرێمی کوردستان ڕاگەیەنرا

لەبارەی ئەو شەپۆلە بارانبارینەی بەشێک لە ناوچەکانی هەرێمی کوردستانی گرتووەتەوە، کەشناسی هەرێمی کوردستان ڕایگەیاند، تاوەکوو سبەی پێنجشەممە شەپۆلەکە بەردەوام دەبێت، هەروەها ڕێژەی بارانبارینی ئەمڕۆشی خستووەتەڕوو.

بەڕێوەبەرایەتی گشتیی کەشناسی و بوومەلەرزەزانی هەرێمی کوردستان ڕایگەیاند: ئێوارەی ئەمڕۆ چوارشەممە کاریگەرى نزمە پاڵەپەستۆى دەریاى سوور درێژ دەبێتەوە بۆ سەر سنوورى پارێزگاى سلێمانى و هەڵەبجە و بەشێک لە پارێزگاى کەرکووک و ئیدارەى گەرمیان.

ڕاشیگەیاند: سەرەتا بارانبارین مامناوەند دەبێت، پاشان شێوازى دابارین دەگۆڕێت بۆ لێزمەبارانى بەردەوام و هەورەتریشقە، کاریگەرى ئەم شەپۆلى بارانبارینە تاوەکوو کاتەکانى نیوەڕۆی سبەی پێنجشەممە بەردەوامى دەبێت.

کەشناسی هەروەها ڕێژەی بارانبارینی 12 کاتژمێری ڕابردووی ئەمڕۆ چوارشەممەی لە 09:00ـی بەیانی تاوەکوو 09:00ـی شەو بە ملم بەمشێوەیە خستووەتەڕوو:-

هەولێر: 0.2

 پیرمام: دڵۆپ دڵۆپ

حاجی ئۆمەران: 2.8

بارزان: 0.2

سۆران: 0.4

کانی ماسی: 0.2

سلێمانی: 29.9

چەمچەماڵ: 7.5

دووکان: 25.8

هەڵشۆ: 26.6

بازیان: 16.6

دەربەند: 20.8

کەرکووک: 2.7

دووز: 18

کەلار: 11.6

خانەقین: دڵۆپ دڵۆپ

مەیدان: 20