سەرۆکی دیوانی ئەنجوومەنی وەزیران لەگەڵ سەرۆکی ئەساقیفەی ئیبارشیەی ئەربیلی کلدانی پرسی پێکەوەژیانیان لە هەرێمی کوردستان تاوتوێ کرد.
ئەمرۆ یەکشەممە 12ـی 03ـی 2023، د.ئومێد سەباح ، سەرۆکی دیوانی ئەنجوومەنی وەزیران، پێشوازی لە مەتران مار بەشار مەتی وەردە،سەرۆکی ئەساقیفەی ئیبارشیەی ئەربیلی کلدانی کرد.
لە دیدارەکەدا دوایین گۆڕانکارییە ھەنووکەیەکان و پرسی کرستیانەکان لە ھەرێمی کوردستان تاووتوێ کران.
ھەر لە دیدارەکەدا باس لە رەوشی نموونەیی پێکەوەژیانی تەواوی پێکھاتەکان لە ھەرێمی کوردستان کرایەوە، جەخت کرایەوە لە مانەوە و بەردەوامیدان بەم پێکەوەژیانە و ڕۆڵی حکوومەتی ھەرێم بۆ پاراستنی پێکەوەژیان بەرز نرخێنرا، پاڵپشتی حکوومەتی ھەرێمی کوردستان بۆ مافی پێکھاتەکان و پێکەوەژیان و رەوشی کرستیانەکان دووپاتکرایەوە،ھەرێمی کوردستان بۆ کرستیانەکان بە ناوچەیەکی ھەرە ئارام وەسف کرا.
کۆمێنت (0)
تا ئێستا هیچ کۆمێنتێک نەکراوە.