به‌ڕێوه‌به‌رایه‌تی پۆلیسی پارێزگای هه‌ولێر ئه‌مڕۆ دووشه‌م ده‌ستگیركردنی ئه‌و تۆمەتبارەی ڕاگه‌یاند كه بەنزینی لە ئۆتۆمبێل دەکرد و پارەی نەدەدا و ڕای ده‌كرد.
پۆلیسی هه‌ولێر ڕایگه‌یاند: بەشی پۆلیسی نەهێشتنی تاوان - نووسینگەی خەبات، تۆمەتبارێکیان بە ناوی (ک. م. م) دەستگیر کرد کە لە بەنزینخانە پاش تێکردنی بەنزین پارەی نەدەدا و ڕای دەکرد.
ئاماژه‌ی به‌وه‌ش دا كه دەست بەسەر ئۆتۆمبێلی دزه‌كه‌شدا گیرا لە جۆری (میتسۆبووشی/ گڵاند).
پۆلیسی هه‌ولێر جه‌ختیشی كرده‌وه كه تۆمەتباره‌كه ئێستا بە بڕیاری دادوەر و بەپێی ماددە (446) لە یاسای سزادان ڕاگیراوه.
کۆمێنت (0)
تا ئێستا هیچ کۆمێنتێک نەکراوە.