بانکی ناوەندی عێراق پاکێجی سێیەمی بۆ ئاسانکاری لە بەدەستهێنانی دۆلار دەرکرد و لە بڕیارێکی دا ڕایگەیاند، لەمەودوا ئەو کەسانەی مەبەستی گەشتکردنیان هەبێت تەنیا 2 هەزار دۆلاریان بەشێوەی نەختێنەیی پێ دەفرۆشرێت.
بانکی ناوەندی عێراق ڕاگەیەنراوێکی لەبارەی دۆلارەوە بڵاو کردەوە و تێیدا هاتووە، بە ئامانجی ئاسانکاری بۆ بەدەستهێنانی دۆلار بۆ ئەو هاووڵاتییانەی ئارەزووی گەشتکردن دەکەن بۆ دەرەوەی، نرخی ئاڵوگۆڕی فەرمی بۆ هەر دۆلارێک بە بڕی 1320 دەبێت و لە ڕێگەی نەختینەیی و کارتی ئەلیکترۆنییەوە پێیان دەفرۆشرێت.
ئەوەش خراوەتەڕوو کە ئەو هاووڵاتییە عێراقیانەی مەبەستی گەشتکردنیان هەبێت، تەنیا 2 هەزار دۆلاریان بەشێوەی نەختێنەیی پێ دەفرۆشرێت.
بانکی ناوەندی ئاماژەی بەوەش داوە کە ئەگەر گەشتیار بڕی زیاتری پێویست بوو لەو بڕەی دیاریکراوە، دەتوانێت لە ڕێگەی ئەم کارتانە بەدەستی بخات:- Prepaid Cards، توانای تێکردنەوەی تاوەکوو 10 هەزار دۆلاری هەیە، هەروەها Credit Cards بڕی دۆلار لەم کارتەدا بە گوێرەی پۆلینی كارتەكان دەبێت ( سیلڤەر، گۆڵد و پلاتینۆم) یان Debit Card کە ئەم جۆرەیان پەیوەستە بە هەژمارێكی فەرمی لە بانكەكانەوە.
کۆمێنت (0)
تا ئێستا هیچ کۆمێنتێک نەکراوە.