ڕاگەیاندنی لێژنەی ئۆلۆمپی هەرێمی کوردستان ڕایگەیاند: ئێوارەی ئەمڕۆ سێشەممه14ی3ی2023، بەئامادەبوونی ئومێد خۆشناو پارێزگاری هەولێر و د.ئاڵان قادر رەسول ئەمینداری گشتی لێژنەی ئۆلۆمپی هەرێمی کوردستان، ئامادەبوونی سەرۆک و جێگر و ئەندامان له یەکێتی پایسکل سواری کوردستان، پێشبڕکێی پایسکل سواری کوردستان بۆ کوڕان و کچان لەژێر چاودێری و سەرپەرشتی یانەی ئەسپ سواری هەولێر لە گۆڕەپانی یانەدا بەڕێوەچوو.
ڕاشیگەیاند: لەو پێشبڕکێیەدا یەکێتی ناوەندی پایسکل سواری کوردستان و هەولێر هەماهەنگ بوون بۆ بەرێوەچوونی پێشبڕکێیەکە.
ئاماژەی بەوەش دا کە لە پێشبڕکێیەکەدا کە بە بەشداری 30 یاریزانی کوڕ و کچ بەڕێوەچوو، ئەمینداری گشتی و جێگری سەرۆکی یەکێتی پایسکل سواری کوردستان خەلاتی پالەوانێتییەکەیان بەسەر پالەوانان دابەشکرد.
کۆمێنت (0)
تا ئێستا هیچ کۆمێنتێک نەکراوە.