پارێزگه‌ها دهوكێ به‌رهه‌ڤیاخوه‌ بو مێڤانداریا قاره‌مانیا ئێكه‌تیا كونیفا یا ته‌پاپێی یا جیهانێ دا دیاركرن

ئه‌ڤرو 15ی ئادارا2023ێ  "ماجد سه‌ید سالح " جێگرێ پارێزگارێ دهوكێ پێشوازی ل به‌رێز " Anders Blind" سه‌روكێ ئێكه‌تیا كونیفا یا ته‌پاپێی یا جیهانی و شاندێ دگه‌لدا یێ ئێكه‌تیا ته‌پاپێی یا كوردستانێ و نونه‌رێن ساخله‌میێ و گه‌شوگوزارێ رێڤه‌به‌رێ وه‌رزش و لاوان كر
شاندێ ئێكه‌تیا كونیفا یا قاره‌مانیا ته‌پاپێی یا هه‌رێمێن بێ ده‌وله‌ت ده‌ست ب به‌رنامه‌یێ خوه‌ كریه‌ ل دوو روژێن ده‌ربازبوی سه‌ره‌دانا یاریگه‌هێن باژێرێ هه‌ولێرێ و سلێمانیێ كریه‌ و بریاره‌ ل پارێزگه‌ها دهوكێ و ئیدارا سه‌ربه‌خو یا زاخو دویڤچوونا یاریگه‌هـ و هوتێلا بكه‌ن بو مێڤانداریا قاره‌مانیا كونیفا یا هه‌رێمێن جیهانێ كو د نهادا هه‌رێما كوردستانێ و هه‌رێما ترونگ یا ڤێتنامێ هه‌ڤریكا مێڤانداریا وێ دكه‌ن بو سالا بهێت یا ٢٠٢٤ێ 
جێگرێ پارێزگارێ دهوكێ دپه‌یڤه‌كێ دا گوت : 
بناڤێ رێزدار پارێزگارێ دهوكێ زور خوشحالین ب سه‌ره‌دانا شاندێ ئێكه‌تیا كونیفا و ئه‌م د به‌رهه‌ڤین بو مێڤانداریا ڤێ قاره‌مانیێ ژلایێ ئێمناهیێ و گه‌شتو گوزارێ و ساخله‌میێ و كوالێتیا یاریگه‌هان و مێڤانداریا یاریكه‌ران و جه‌ماوه‌ره‌كێ زور ب رێكوپێك 
ژلایێ خوه‌ڤه‌ سه‌روكێ ئێكه‌تیا كونیفا یا ته‌پاپێی یا جیهانێ گوت جهێ دلخوشیامه‌یه‌ ئه‌ڤرو مه‌ چاڤ ب پارێزگه‌ها دهوكا ره‌نگین كه‌فته‌ڤه‌ و خوشحالین ب ڤێ پێشوازیێ و به‌رهه‌ڤیێ و دێ ژ نێزیكڤه‌ دوڤچونا مه‌رجێن پێدڤیێ یێن ئه‌نجامدانا ڤێ قاره‌مانیێ كه‌ین 
پاش هه‌ر ئێك ژ به‌رێزان رێڤه‌به‌رێ گشتی پولیسێن پارێزگه‌ها دهوكێ و نونه‌رێن وه‌رزشی و ساخله‌می و گه‌شتوگوزارێ لایه‌نێن ئه‌منی و پشته‌ڤانیا وه‌رزشی و مێڤانداریا گه‌شتوگوزاری بو شاندێ ناڤبری پشتراست كرن كو دێ ب باشترین شێوه‌ د خزمه‌ت دابن 
هه‌ژی گوتنێ پشتی ئه‌نجامدانا دوڤچونان یاریگه‌هێن ناڤبری یێن پارێزگه‌هێن هه‌رێما كوردستانێ شاندێ ئێكه‌تیا كونیفا دێ بریارا ئێكلاكه‌ر راگه‌هینیت و ل سالا 2024ێ قاره‌مانی دێ ل ئێك ژ پارێزگه‌هێن هه‌رێما كوردستان یان هه‌رێما ترونگ یا ڤێتنامێ هێته‌ ئه‌نجامدان.