پارێزگای نه‌ینه‌وا بڕیاری دا سبه‌ی بكرێته پشووی فه‌رمی له سه‌رجه‌م فه‌رمانگه و دائیره‌كانی سه‌ر به حكوومه‌ت به‌هۆی خراپی كه‌شوهه‌وا و بارانبارینی زۆره‌وه.
نووسینگه‌ی ڕاگه‌یاندنی پارێزگای نه‌ینه‌وا له به‌یاننامه‌یه‌كدا ڕایگه‌یاند: نه‌جم جبووری پارێزگاری نه‌ینه‌وا بڕیاری دا سبه‌ی پێنجشه‌م له سه‌رجه‌م فه‌رمانگه‌كانی حكوومه‌ت جگه له فه‌رمانگه ئه‌منی و ته‌ندروستییه‌كان، بكرێته پشووی فه‌رمی به‌هۆی خراپی كه‌شوهه‌وا و بارانبارینی زۆره‌وه.
ئه‌مه له‌كاتێكدایه كه به‌گوێره‌ی پێشبینییه‌كانی كه‌شناسی ئه‌مشه و سبه‌ی پێنجشه‌م له سه‌رجه‌م پارێزگاكانی عێراق بارانی به‌لێزمه ده‌بارێت و ئه‌گه‌ری دروستبوونی لافاویش هه‌یه.
کۆمێنت (0)
تا ئێستا هیچ کۆمێنتێک نەکراوە.