سه‌رله‌ئیواره‌ی ئه‌مڕۆ چوارشه‌م له پارێزگای میسان هه‌وره برووسكه له گه‌نجێكی داوه و بووه‌ته هۆكاری گیانله‌ده‌ستدانی.
ئه‌و گه‌نجه‌ی گیانی له‌ده‌ستداوه ته‌مه‌نی 35 ساڵه و خه‌ڵكی شاری عه‌ماڕه‌یه له سنووری پارێزگای میسان.
گه‌نجه‌كه له كاتی رۆیشتنی به پێ له‌نێو شه‌قامێكی شاره‌كه‌یدا هه‌وره‌برووسكه لێی داوه و دوای گه‌یاندنی بۆ نه‌خۆشخانه گیانی له‌ده‌ستداوه.
ئه‌مه له‌كاتێكدایه كه له دوای نیوه‌ڕۆی ئه‌مڕۆ چوارشه‌مه‌وه ڕه‌شه‌بایه‌كی به‌هێز و شه‌پۆڵێكی بارانبارین ڕووی له عێراق كردووه و سه‌رجه‌م پارێزگاكانی گرتۆته‌وه، ته‌نانه‌ت له هه‌ندێ شوێن به‌هۆی بارانی به‌لێزمه‌وه لافاویش دروست بووه.
کۆمێنت (0)
تا ئێستا هیچ کۆمێنتێک نەکراوە.