ده‌سته‌ی گشتیی كه‌شناسی و بوومه‌له‌رزه‌زانی عێراق زانیاری له‌سه‌ر ئه‌و بوومه‌له‌رزه‌یه بڵاو كرده‌وه كه ئه‌مشه‌و له سنووری پارێزگای هه‌ڵه‌بجه ڕووی دا.
ده‌سته‌كه ڕایگه‌یاند: بوومه‌له‌رزه‌كه له كاتژمێر 9:32 ڕوویداوه و چه‌قه‌كه‌شی له دووری 22 كم بووه له باكوری رۆژهه‌ڵاتی پارێزگای هه‌ڵه‌بجه له نزیك سنووری عێراق – ئێران.
ڕاشیگه‌یاند: گوڕی بوومه‌له‌رزكه 5 پله‌ی ڕێخته‌ر بووه و هاووڵاتییانی هه‌ریه‌ك له پارێزگاكانی هه‌ولێر، سلێمانی، كه‌ركووك، دیاله و به‌غدا هه‌ستیان پێ كردووه.
ده‌سته‌ی گشتیی كه‌شناسی و بوومه‌له‌رزه‌زانی عێراق جه‌ختیشی كرده‌وه كه تا ئێستا هیچ هه‌واڵێكی زیانی گیانی و ماددییان به‌هۆی بوومه‌له‌رزه‌كه پێ نه‌گه‌یشتووه.
کۆمێنت (0)
تا ئێستا هیچ کۆمێنتێک نەکراوە.