ئەنجوومەنی نوێنەرانی عێراق بە زۆرینەی دەنگ ڕۆژی 6ـی تشرینی دووەمی بۆ هەڵبژاردن دیاریکرد و دەنگی لەسەر حەوت ماددە دا لە کۆی 16 ماددە.
ئەنجوومەنی نوێنەرانی عێراق بەرەبەیانی ئەمڕۆ دووشەممە 20ـی 03ـی 2023 بە سەرۆکایەتی محەمەد حەلبووسی سەرۆکی ئەنجوومەنی نوێنەران و بە ئامادەبوونی 171 پەرلەمانتار بۆ هەموارکردنەوەی یاسای هەڵبژاردنی ئەنجوومەنی نوێنەران و ئەنجوومەنی پارێزگاکان کۆبوونەوە.
ئەنجوومەنی نوێنەرانی عێراق بە زۆرینەی دەنگ بڕیاری دا 06ـی 11ـی 2023 هەڵبژاردنی ئەنجوومەنی پارێزگاکان ئەنجام بدرێت.
هاوکات ئەنجوومەنی نوێنەرانی عێراق دەنگی لەسەر ماددەکانی 15 و 16ـی تایبەت بە هەڵبژاردن دا.
ئەنجوومەنی نوێنەرانی عێراق بڕیاریشی دا کە ڕۆژی شەممەی داهاتوو کۆببێتەوە بۆ تەواوکردنی هەمواری یاسایەکە.
کۆمێنت (0)
تا ئێستا هیچ کۆمێنتێک نەکراوە.