به‌شی پێشبینی وه‌زاره‌تی گواستنه‌وه و گه‌یاندن ڕه‌وشی كه‌شوهه‌وای نه‌ورۆز و سێ ڕۆژی داهاتووی شار و ناوچه‌كانی هه‌رێمی كوردستان خسته‌ڕوو و تێیدا ئاماژه‌ی به‌وه‌دا كه پێشبینی ده‌كرێ له هه‌رسێ رۆژه‌كه‌دا باران ببارێت.
به‌شی زۆری هاووڵاتییانی هه‌رێمی كوردستان له شار و شارۆچكه‌كان بۆ ئه‌نجامدانی گه‌شت و سه‌یران له رۆژانی نه‌ورۆزدا به تاسه‌وه چاودێری ڕه‌وشی كه‌شوهه‌وای ناوچه گه‌شتیارییه‌كان ده‌كه‌ن.
بۆ ئه‌م مه‌به‌سته به‌شی پێشبینی وه‌زاره‌تی گواستنه‌وه و گه‌یاندن به كورت و پوختی ڕه‌وشی كه‌شوهه‌وای ناوچه‌كانی هه‌رێمی كوردستانی بۆ سێ رۆژی داهاتوو بڵاو كرده‌وه.
سه‌باره‌ت به سبه‌ی سێشه‌م كه رۆژی نه‌ورۆزه و سه‌ری ساڵی كوردییه، ڕایگه‌یاند: به‌شێوه‌یه‌كی گشتی ئاسمان هه‌ور و باراناوی ده‌بێت، كه‌شوهه‌واش سارد ده‌بێت.
بۆ دووسبه‌ی چوارشه‌م ئاسمان به‌هه‌مانشێوه هه‌ور و نیمچه‌هه‌ور ده‌بێت، هه‌روه‌ها ئه‌گه‌ری بارانباریش هه‌یه.
رۆژی پێنجشه‌میش پێشبینی كراوه ئاسمان دیسان هه‌ور بێت و هه‌روه‌ها ئه‌گه‌ری نمه‌بارانیش له ناوچه‌كان هه‌یه.
کۆمێنت (0)
تا ئێستا هیچ کۆمێنتێک نەکراوە.