له شاره‌كانی كوردستانی ئێران 82 كه‌س به‌ته‌قه‌ی راسته‌وخۆی هێزه ئه‌منییه‌كان له‌كاتی به‌شدارییان له ئاهه‌نگی جه‌ژنی نه‌ورۆزدا برینداربوون.
رێكخراوی هه‌نگاو بۆ مافه‌كانی مرۆڤ رایگه‌یاند: له‌شه‌وی جه‌ژنی نه‌ورۆزدا، لە شارەکانی مەهاباد، بوڵواناوا سەر بە دێولان، سەقز و سنە ، كه دانیشتووانی ئه‌م ناوچانه به مه‌به‌ستی به‌شدارییان له ئاهه‌نگی جه‌ژنی نه‌ورۆزدا ڕژانه بوونه سه‌ر شه‌قامه‌كان، درانە بەر دەستڕێژی گولـله‌ی ڕاستەوخۆی هێزه‌ی ئه‌منییه‌كان و به‌هۆیه‌وه زیاتر له 40 كه‌س برینداربوون.
له‌لایه‌كی دیكه‌وه، بەپێی ئەو ڤیدیۆییانەی لە شاری مەهابادەوە دەست هەنگاو گەیشتوون، بەیانی ئەمڕۆ سێشه‌ممه21ی3ی2023، له ژماره‌یه‌ك شاری كوردستانی ئێران كه دروشمی "شەهید نامرێت" و "ژن، ژیان، ئازاد"یان دەوتەوە درانه بەر دەستڕێژی گولـله و زیاتر لە 30 هاووڵاتی برینداربوون. بەگوتەی سەرچاوەکانی هەنگاویش زۆرترین برینداریش له نێو قوربانییه‌كان ئافره‌ت و منداڵن.
له به‌شێكی دیكه‌ی راگه‌یاندراوه‌كه‌ی رێكخراوی هه‌نگاودا هاتووه: لە شاری سەقز و بەتایبەتی لە گەڕەکی کەریم ئاوای ئەم شارە، سەرەڕای فڕێدانی گازی فرمێسک ڕێژ، هێزه ئه‌منییه‌كان ڕاستەوخۆ تەقەیان لە خەڵک کردووە، کە به‌هۆیه‌وه 9 كه‌س برینداربوون و كه له نێو ئه‌و ژماره‌یه‌شدا 2 كه‌سیان ئافره‌تن.
هه‌روه‌ها هه‌نگاو رایگه‌یاندووه: لە شارۆچکەی بوڵواناوا سەر بە شاری دێولان هێزە ئه‌منییه‌كان ڕاستەوخۆ تەقەیان لە خەڵک کردووه کە بەهۆیەوە لانی کەم 2 کەس بریندارکراون.
له كۆتاییدا رێكخراوی هه‌نگاو رایگه‌یاندووه: هێزه ئه‌منییه‌كانی ئێران له چه‌ند گه‌ڕه‌كێكی شاری سنە هێرشیان کردووه‌ته سەر ڕێوڕەسمەکانی نەورۆز و بەپێی ڕاپۆرتە سەرەتاییەکان چەندین هاووڵاتیی بریندارکراون.
کۆمێنت (0)
تا ئێستا هیچ کۆمێنتێک نەکراوە.