سه‌رۆك بارزانی ئه‌مشه‌و چوارشه‌م په‌یامێكی به‌بۆنه‌ی مانگی ڕه‌مه‌زانی پیرۆز بڵاو كرده‌وه و تێیدا هاتنه‌وه‌ی ئه‌م مانگه پیرۆزه‌ی له موسڵمانانی كوردستان و عێراق و هه‌موو جیهان پیرۆز كرد.
سه‌رۆك بارزانی له په‌یامه‌كه‌یدا هه‌روه‌ها داوای له خودای مه‌زن كرد مانگی پیرۆزی ڕەمەزان ببێتە هەوێنی خێر و بەرەکەت و ڕووناکی بۆ هەموو لایەک.
ئه‌مه‌ی خواره‌وه ده‌قی په‌یامه‌كه‌ی سه‌رۆك بارزانییه به بۆنه‌ی هاتنه‌وه‌ی مانگی ڕه‌مه‌زانی پیرۆز:-
بەناوی خودای بەخشندە و میهرەبان
بەبۆنەی هاتنەوەی مانگی پیرۆزی ڕەمەزان پیرۆزبایی لە موسڵمانانی کوردستان و عێراق و هەموو جیهان دەکەم.
لە خودای مەزن داواکارم عیبادەت و نزا و ڕۆژووی هەمووان قبووڵ بکات و مانگی پیرۆزی ڕەمەزان ببێتە هەوێنی خێر و بەرەکەت و ڕووناکی بۆ هەموو لایەک.
29ی شەعبانی 1444
22ی ئاداری 2023
کۆمێنت (0)
تا ئێستا هیچ کۆمێنتێک نەکراوە.