ئه‌مڕۆ هه‌ینی له ئه‌نجامی هێرشێكی فڕۆكه جه‌نگییه‌كانی عێراق له چیای حه‌مرین توانرا 3 تیرۆریستی داعش له‌ناو ببرێن.
هێزه ئه‌منییه‌كانی عێراق بڵاویان كرده‌وه: ئه‌مڕۆ هه‌ینی فڕۆكه جه‌نگییه‌كانی عێراق چوار مووشه‌كیان ئاراسته‌ی مۆڵگه‌كانی تیرۆریستانی داعش كرد له چیای حه‌مرین له سنووری پارێزگای دیاله.
بڵاویشیان كرده‌وه: له ئه‌نجامی هێرشه‌كانیش 3 تیرۆریستی داعش كوژران و له‌ناوبران.
ئه‌مه له‌كاتێكدایه كه ماوه‌یه‌كه تیرۆریستانی داعش له سنووری چیای حه‌مرین جموجۆڵیان زیادی كردووه و هه‌روه‌ها هێرشه‌كانیشیان بۆ سه‌ر هێزه ئه‌منییه‌كان زیاتر بووه.
کۆمێنت (0)
تا ئێستا هیچ کۆمێنتێک نەکراوە.