دڵشاد شەهاب: سەرۆكی هەرێم وادەی ئەنجامدانی هەڵبژاردنی پەرلەمانی كوردستانی دیاریكرد

ئەمڕۆ یەكشەممە 26/3/2023دڵشاد شەهاب، وتەبێژی سەرۆكایەتی هەرێمی كوردستان لەكۆنگرەیەكی رۆژنامەوانیدا رایگەیاند: سەرۆكی هەرێمی كوردستان بەپێی یاسای ژمارە 1ی ساڵی 2005ی هەمواركراو كە یاسای سەرۆكایەتی هەرێمی كوردستانە، فەرمانی بۆ ئەنجامدانی هەڵبژاردنی خولی شەشەمی پەرلەمانی كوردستان دەركرد.
لە فەرمانی سەرۆكی هەرێمی كوردستاندا هاتووە: 18/11/2023 وەكو رۆژی ئەنجامدانی هەڵبژاردنی پەرلەمانی كوردستان دیاریكرا. لە خاڵی دووەمی فەرمانەكەی سەرۆكی هەرێم ئاماژە بەوەكراوە: كە گشت لایەنە سیاسییەكان پابەند دەبن بە ئەنجامدانی كاری پێویست بە هاوكاری و هەماهەنگی لەگەڵ كۆمسیۆنی باڵای هەڵبژاردن و راپرسی بۆ جێبەجێكردنی ئەم فەرمانە.
هەروەها لە خاڵی سێیەمی ئەو فەرمانەدا ئەوە خراوەتەڕوو كە ئەم فەرمانە لە رۆژی دەرچوونییەوە جێبەجێ دەكرێت.