سه‌رۆك وه‌زیرانی عێراق بڕیاری دا سبه‌ی دووشه‌م له سه‌رجه‌م فه‌رمانگه و داموده‌زگا و ناوه‌نده‌كانی خوێندن پشووی فه‌رمی بێت به‌هۆی بارانبارینی زۆر و خراپی كه‌شوهه‌واوه.
ئه‌میندارییه‌تی ئه‌نجوومه‌نی وه‌زیرانی عێراق بڵاوی كرده‌وه: محه‌مه‌د شیاع سوودانی سه‌رۆك وه‌زیرانی عێراق فه‌رمانی كرد سبه‌ی دووشه‌م له سه‌رجه‌م فه‌رمانگه و ده‌موده‌زگاكانی حكوومه‌ت و ناوه‌نده‌كانی خوێندن پشووی فه‌رمی بێت به‌هۆی خراپی كه‌شوهه‌واوه.
ئاماژه‌ی به‌وه‌ش دا كه ته‌نیا داموده‌زگا ئه‌منی و خزمه‌تگوزارییه‌كان ده‌وام ده‌كه‌ن و پشووه‌كه ئه‌وان ناگرێته‌وه.
ئه‌مه له‌كاتێكدایه كه سه‌رله‌به‌یانی ئه‌مڕۆ یه‌كشه‌مه‌وه شه‌پۆڵێكی بارانبارین و خراپی كه‌شوهه‌وا ڕووی له ئاسمانی عێراق كردووه و ته‌نانه‌ت له به‌شێك له پارێزگاكانی ناوه‌ڕاست و باشوور به‌هۆی زۆری بارانبارین لافاو و گردبوونه‌وه‌ی ئاو دروستبووه، لای خۆشییه‌وه كه‌شناسی پێشبینی كردووه ئه‌م ڕه‌وشه ناله‌باره‌ی كه‌شوهه‌وا تا دووسبه‌ی سێشه‌م به‌رده‌وامی هه‌بێت.
کۆمێنت (0)
تا ئێستا هیچ کۆمێنتێک نەکراوە.