بوومەلەرزەیەکی دیکە لە شارێکی کوردستانی تورکیا ڕووی دا

ئێوارەی ئەمڕۆ بوومەلەرزەیەک پارێزگای مەرەشی لە کوردستانی تورکیا هەژاند، گوڕی بوومەلەرزەکە 4.5 پلەی ڕێختەر بووە.

كاتژمێر 05:35 خولەکی ئێوارەی ئەمڕۆ دووشەممە، بوومه‌له‌رزه‌یه‌ک به‌ گوڕی 4.5 پلەی ڕێختەر‌ پارێزگای مەرەشی لە کوردستانی تورکیا هه‌ژاند، به‌رێوه‌بردنی كاره‌سات و دۆخه‌ له‌ناكاوه‌كان له‌ توركیا (AFAD) پشتڕاستی کردەوە.

به‌پێی زانیارییەکانی ماڵپه‌ڕی به‌ڕێوه‌بردنی كاره‌سات و دۆخه‌ له‌ناكاوه‌كان له‌ توركیا (AFAD) بڵاو كراوەتە‌وه‌، چەقی بوومەلەرزەکە‌ شارۆچكه‌ی گۆكسو سه‌ر مه‌ره‌ش بووه‌، به‌ گوڕی 4.5 پله‌ ڕووی داوه‌.

هەر لە هەواڵەکەی ماڵپه‌ڕی به‌ڕێوه‌بردنی كاره‌سات و دۆخه‌ له‌ناكاوه‌كان له‌ توركیا (AFAD) ئاماژە بەوەش دراوە کە بوومه‌له‌رزه‌كه‌ له‌ قووڵایی 8.7 كیلۆمه‌تردا ڕووی داوه‌.