به‌ڕێوه‌به‌رایه‌تی پۆلیسی پارێزگای هه‌ولێر ئه‌مشه‌و سێشه‌م ڕوونكردنه‌وه‌ی له‌سه‌ر ڕووداوێكی شه‌ڕكردن له‌نێوان سێ ئامۆزا بڵاو كرده‌وه كه تێیدا كه‌سێك كوژرا و برایه‌كی تریشی بریندار بوو.
پۆلیسی هه‌ولێر له ڕوونكردنه‌وه‌كه‌دا ڕایگه‌یاند: دوای ئەوەی ئێوارەی ئەمڕۆ سێشه‌م لەسەر کێشەیەکی خێزانی لە گەڕەکی (بەستەپیازە)ی شاری هه‌ولێر، شەڕێک لە نێوان سێ ئامۆزا دروست بوو.
ڕاشیگه‌یاند: لە ئەنجامی شه‌ڕه‌كه‌دا یه‌كێك له ئامۆزاكان بەناوی (بارق ئه‌نوه‌ر مدی) تەمەن (35 ساڵ) کوژرا و برایەکیشی بە ناوی (ت. ا. م) تەمەن (41 ساڵ) بە دەستی ئامۆزایەکیان بریندار بوو.
ئاماژه‌ی به‌وه‌ش دا كه دەستبەجێ هێزەکانی بەڕێوەبەرایەتی پۆلیسی پارێزگای هەولێر دەستیان بە لێکۆڵینەوە کرد و لە ئێستادا لە شوێنی ڕووداو سەرقاڵی لێکۆڵینەوەی وردن لە چۆنیەتی و هۆکاری ڕووداوەکە و دەستگیرکردنی تۆمەتباری بکوژ.
وێنه: ئه‌و دوو برایه‌ی له شه‌ره‌كه‌دا بوونه‌ته قوربانی
کۆمێنت (0)
تا ئێستا هیچ کۆمێنتێک نەکراوە.