بەهۆی راگرتنی بەرهەمهێنانی نەوت لەهەردوو كێڵگەی نەوت لە گەرمیان و خۆرمەڵە بەرهەمهێنانی كارەبا بەبڕی 330 مێگاوات كارەبا كەمی كرد.
ئومێد ئەحمەد ،وتەبێژی وەزارەتی كارەبا لەم بارەیەوە رایگەیاند: بڕیارەكەی دادگای پاریس بووە هۆی راگرتنی بەرهەمهێنانی نەوت لەچەند كێڵگەیەكی كوردستان و بەهۆیەوە بەرهەمهێنانی كارەبا كەمی كرد، لەئێستادا لە وێستگەی كارەبا لەگەرمیان كە بەغازی كێڵگەی نەوتی حەسیرە كارەبا بەرهەم دەهێنێت 80 مێگاوات كارەبا كەمی كردووە و لە وێستگەی خۆرمەڵەش لەهەولێر بەبڕی 250 مێگاوات كارەبا كەمی كردووە، بەمەش 330 مێگاوات لەتۆڕی كارەبای نیشتمانی كەمی كردووە.
گوتیشی:وەزارەتی كارەبا لەهەوڵدایە بەپشت بەستن بە كارەبای هایدرۆپاوەری هەردوو بەنداوی دوكان و دەربەندیخان و وێستگەكانی غازی سلێمانی و هەولێر قەرەبووی ئەو كەمبوونەوەیە بكاتەوە.
بەهۆی راگرتنی بەرهەمهێنانی نەوت لەدوو كێڵگە 330 مێگاوات كارەبا كەمیكرد
100%
کۆمێنت (0)
تا ئێستا هیچ کۆمێنتێک نەکراوە.