بوومەلەرزەیەک دەریای ئیجەی هەژاند

بوومەلەرزەیەک بە گوڕی 4.7 پلەی ڕێختەر لە دەریای ئیجە ڕووی دا، قوڵایی بوومەلەرزەکە 7.99 کیلۆمەتر بووە.

کاتژمێر 07:05ـی ئێوارەی ئەمڕۆ هەینی 31ـی 03ـی 2023 بوومەلەرزەیەک دەریای ئیجەی هەژاند، سەرۆکایەتیی بەڕێوەبردنی کارەسات و باری لەناکاوی تورکیا (AFAD) پشتڕاستی کردەوە.

سەرۆکایەتیی بەڕێوەبردنی کارەسات و باری لەناکاو (AFAD) بڵاوی کردەوە، گوڕی بوومەلەرزەکە 4.7 پلەی ڕێختەر بووە و لە قوڵایی 7.99 كيلۆمەتر ڕووی داوە.

بەڕێوەبردنی کارەسات و باری لەناکاو ئاماژەی بەوەش داوە کە چەقی بوومەلەرزەکە 200 کیلۆمەتر لە کەناراوەکانی قەزای چەشمە سەر بە پارێزگای ئیزمیرەوە دوور بووە.