لەسەر فەرمانی بەڕێوبەری گشتی تەندروستی سلێمانی بۆ چڕكردنەوەی چاودێریكردنی بازاڕ و شوێنە گشیەكان بۆ دڵنیابوونەوە لەشیاوی خواردن و خواردنەوەكان لەمانگی ڕەمەزانی پیرۆز، بەپێی ئەو پلانەی دانراوە نمونە لەسەرجەم ئەو شەربەت و شیرینی و خواردنانە وەردەگیرێت كەلەمانگی ڕەمەزاندا دەفرۆشرێت و پشكنینی تاقیگەیان بۆ دەكرێت.
لەو چوارچێوەیەدا بەسەرپەرشتی بەڕێوبەری چاودێری تەندروستی سلێمانی، تیمەكانی چاودێری تەندروستی سەردانی ژمارەیەك شەربەتخانەیان لەشاری سلێمانی كرد و نمونەیان لەو شەربەتانە وەرگرت كەبەهاوڵاتیان دەفرۆشرێت و نمونەكان ڕەوانەی تاقیگەیی پشكنینی ئاو و خۆراك كراوە بەمەبەستی دڵنیابوون لەشیاویی ئەو شەربەتانەی ئیستا لەبازاڕدا هەیە.
کۆمێنت (0)
تا ئێستا هیچ کۆمێنتێک نەکراوە.