شاره‌زایه‌كی كه‌شناسی ڕایگه‌یاند كه له‌م مانگه‌دا چه‌ند شه‌پۆڵێكی باران ڕوو له ناوچه‌كانی هه‌رێمی كوردستان ده‌كات و تا كۆتایی ئه‌م مانگه به‌رده‌وامی ده‌بێت.
ئاراس جه‌بار شاره‌زای كه‌شناسی ڕایگه‌یاند: سەرەتا ئەم ھەفتەیە بە گشتی و تا رۆژی 12ی ئەم مانگە کەشی ناوچەکانی ھەرێمی کوردستان زیاتر لەژێر کاریگەری بەرزەپاڵەپەستۆی ھەوادا ئەمێنێتەوە کە بەشێوەیەکی گشتی کەشوھەوا زیاتر سەقامگیر و وشک ئەبێت و پلەکانی گەرماش رۆژانە بەرزبوونەوە بەخۆیەوە ئەبینێت.
ڕاشیگه‌یاند: سەبارەت بەکەشوھەوای وڵاتانی دەوروبەر لە ماوەی 5 بۆ 9ی ئەم مانگە بارستە ھەوایەکی شێدار لە زەریای ھیندەوە بۆ سەر وڵاتانی باشووری نیمچە دوورگەی عەرەبی جولە دەکات و لەو ماوەیەدا بارانێکی زۆر ناوچەکانی عومان و یەمەن تا ناوەڕاستی سعوودیە ئەگرێتەوە کە لە ھەندێ ناوچەدا لافاوێکی زۆریش بەھۆیەوە دروست دەبێت.
هه‌روه‌ها ڕایگه‌یاند: لە ڕۆژی 12ی ئەم مانگەوە بە گشتی کاریگەری نزمەپاڵەپەستۆی دەریای ناوەراست و سوور بە ئاراستەی ھەرێمی کوردستان و ناوچەکە چالاک ئەبێتەوە.
ئاماژه‌ی به‌وه‌ش دا : پێشبینی دەکرێت تا کۆتای مانگ ناو بە ناو کاریگەری ئەم نزمەپاڵەپەستۆیانە بەردەوامیان ھەبێت و چالاک ببێتەوە کە ئەمەش پشتیوان بە خودا ئەبێتە ھۆی ھاتنی چەند شەپۆلێکی چڕ و باراناوی کە بەشێوەی سەرتاسەری کاریگەری بە رێژەی جیاواز لەسەر کەشوھەوای ناوچەکە ئەبێت.
کۆمێنت (0)
تا ئێستا هیچ کۆمێنتێک نەکراوە.