وه‌زاره‌تی كاره‌بای حكوومه‌تی هه‌رێمی كوردستان ئاشكرای كرد كه ڕێككه‌وتنی نێوان هه‌ولێر و به‌غدا له‌سه‌ر دۆسییه‌ی نه‌وت و دووباره هه‌نارده‌كردنه‌وه‌ی نه‌وتی هه‌رێمی كوردستان، كاریگه‌ری له‌سه‌ر باشتركردنی دۆخی كاره‌با ده‌بێت.
وه‌زاره‌تی كاره‌با ڕایگه‌یاند: بە جێبەجێکردنی رێککەوتنی نێوان هەردوو حکوومەتی هەرێم و فیدراڵ بۆ دەستپێکردنەوەی هەناردەی نەوتی هەرێم، 330 مێگاوات کارەبا بۆ ناو تۆڕی نیشتمانی دەگەڕێتەوە.
ڕاشیگه‌یاند: ئه‌م ڕێژه‌یه‌ی كاره‌با بە هۆی راگرتنی بەرهەمهێنانی نەوت لە هەردوو کێڵگەی نەوتی گەرمیان و خۆرمەلە کەم ببووەوە.
ئه‌مڕۆ سێشه‌م به ئاماده‌بوونی مه‌سرور بارزانی سه‌رۆكی حكوومه‌تی هه‌رێمی كوردستان و محه‌مه‌د شیاع سوودانی سه‌رۆك وه‌زیرانی عێراق له شاری به‌غدا واژۆی ڕێككه‌وتن له‌سه‌ر دۆسییه‌ی نه‌وت كرا و بڕیار له‌سه‌ر دووباره ده‌ستپێكردنه‌وه‌ی هه‌نارده‌كردنی نه‌وتی هه‌رێمی كوردستان بۆ به‌نده‌ری جیهان درا.
کۆمێنت (0)
تا ئێستا هیچ کۆمێنتێک نەکراوە.