شارەزایان ئاماژە بەوە دەدەن کە ڕۆژوو دەتوانێت یارمەتیدەر بێت بۆ چاکبوونەوە لە نەخۆشی شەکرەی جۆری دووەم، سوود و ئامۆژگارییەکانیشی خراوەتەڕوو.
د. مونا سەڵاحەدین پسپۆڕی نەخۆشییەکانی هەناو و شەکرە بۆ (سکای نیوز) ڕایگەیاندووە، ڕۆژوو دەرفەتێکە بۆ ڕزگاربوون لە چەندین نەخۆشی و بەدەستهێنانی چەندین سوود بۆ تەندروستیمان، هەروەها چەندین سوودی تەندروستی بۆ تووشبووانی نەخۆشی شەکرە هەیە و دەبێتە هۆی چاکبوونەوە لە نەخۆشییەکە، یان کەمکردنەوەی ژەمە دەرمانی ئەنسۆلینی بەکارهێنراو.
ئەو دکتۆرە باسی لە چەند سوودێک ڕۆژوو بۆ چاکبوونەوە لە نەخۆشی شەکرە کردووە:-
- ئاستی گلوکۆزی خوێن بە درێژایی ئەو مانگەی بەڕۆژوو دەبن ڕێکدەخات.
- یارمەتی شکاندنی گلوکۆز دەدات و وزە لە جەستەدا بەرهەم بهێنێت.
- بەرهەمهێنانی ئەنسۆلین کەم دەکاتەوە، پەنکریاس خاو دەبێتەوە.
- بەرهەمهێنانی گلیکۆجین زیاد دەکات بۆ ئاسانکاری لە تێکشکاندنی گلوکۆز.
- لەش ڕزگاری دەبێت لە چەوری زیادە، هەروەها ئاستی کۆلیسترۆڵ لە جەستەدا کەم دەکاتەوە.
- ئاستی ترشی یوریک لە لەشدا کەم دەکاتەوە.
ئەو پسپۆڕەی نەخۆشییەکانی هەناو و شەکرە ئامۆژگاری ڕۆژووەوانان دەکات بۆ خواردنی خۆراکی بەسوود و تەندروست بەمشێوەیە:-
- لە کاتی پارشێو بڕێکی زۆر خواردن مەخۆ، باشتروایە بەسەر کاتە جیاوازەکاندا دابەشی بکەیت.
- دانەوێڵە بخۆن، چونکە ڕیشاڵی تێدایە کە یارمەتی ڕێکخستنی ئاستی شەکری خوێن دەدات.
- میوەی تازە بخۆ (لەبری شەربەت) لەگەڵ سەوزەی زۆر.
- کەمکردنەوەی خواردنە چەورەکان.
- دوور بکەوەرەوە لە خواردنی شیرینی.
- دەتوانن بە ئەنجامدانی وەرزشی ڕۆژانە و زیادکردنی چالاکیی جەستەیی، 10%ی کێشمان دادەبەزێنن.
لە ماوەی نێوان پارشێو و بەربانگکردنەوەدا بەلایەنی کەمەوە 2 لیتر ئاو بخۆرەوە لە ڕۆژێکدا.
- ژەمی پارشێو تاوەکوو بتوانرێت دوابخرێت باشترە.
کۆمێنت (0)
تا ئێستا هیچ کۆمێنتێک نەکراوە.