مەسرور بارزانی ، سەرۆكی حكومەتی هەرێمی كوردستان لە پەیامێكیدا رایگەیاند: خوالێخۆشبوو مامۆستا شێخەڵلا ئیبراهیم، نموونەی مرۆڤێكی نیشتمانپەروەر و كۆڵنەدەر بوو، لە تەمەنی گەنجییەوە بووەتە پێشمەرگە و لە دوای ڕاپەڕینیش وەك بریكاری وەزارەتی كشتوكاڵ و پەرلەمانتار دڵسۆزانە خزمەتی گەل و وڵاتەكەی كردووە.
دەقی پەیامەكەی سەرۆكی حكومەت ..
پرسەنامەیەك لە سەرۆكی حكومەتی هەرێمی كوردستانەوە
بە داخێكی زۆرەوە هەواڵی كۆچی دوایی تێكۆشەر و خەباتكاری ناسراوی كوردستان و پێشمەرگەی هەردوو شۆڕشی ئەیلوول و گوڵان و هەڵگری مێدالی بارزانیی نەمر مامۆستا شێخەڵلا ئیبراهیم-م بیست .
خوالێخۆشبوو مامۆستا شێخەڵلا ئیبراهیم، نموونەی مرۆڤێكی نیشتمانپەروەر و كۆڵنەدەر بوو، لە تەمەنی گەنجییەوە بووەتە پێشمەرگە و لە دوای ڕاپەڕینیش وەك بریكاری وەزارەتی كشتوكاڵ و پەرلەمانتار دڵسۆزانە خزمەتی گەل و وڵاتەكەی كردووە.
پرسە و سەرەخۆشی لە بنەماڵە بەڕێزەكەی و كەس و كار و هەڤاڵانی دەكەم و هاوبەشی خەمیانم . خوای دلۆڤان گیانی بە بەهەشت شاد بكات و سەبر و ئارامی بە هەمووان ببەخشێت.
مەسرور بارزانی
سەرۆكی حكومەتی هەرێمی كوردستان
کۆمێنت (0)
تا ئێستا هیچ کۆمێنتێک نەکراوە.