فه‌رمانده‌یی ئۆپه‌ڕاسیۆنه هاوبه‌شه‌كان ئاشكرای كرد كه ئه‌مڕۆ هه‌ینی له هێرشێكی فڕۆكه جه‌نگییه‌كانی عێراق له سنووری پارێزگای دیاله 5 تیرۆریستی داعش كوژران و له‌ناو بران.
فه‌رمانده‌یی ئۆپه‌ڕاسیۆنه هاوبه‌شه‌كان له ڕاگه‌یه‌نراوێكدا بڵاوی كرده‌وه: فڕۆكه جه‌نگییه‌كانی عێراق ئه‌مڕۆ هه‌ینی دوو هێرشی سه‌ركه‌وتووی یه‌ك له‌دوای یه‌كیان بۆ سه‌ر مۆڵگه و شوێنه‌كانی مانه‌وه‌ی تیرۆریستانی داعش له ناوچه‌ی نارین له سنووری پارێزگای دیاله ئه‌نجام دا.
ئاماژه‌ی به‌وه‌ش دا كه له هێرشه‌كاندا توانرا 5 تیرۆریستی داعش له‌ناو ببرێن، سه‌ره‌ڕای له‌ناوبردنی چه‌ند مۆڵگه و كه‌لوپه‌ل و پێداویستییه‌كی چه‌كدارانیش.
کۆمێنت (0)
تا ئێستا هیچ کۆمێنتێک نەکراوە.