به‌ڕێوه‌به‌رایه‌تی ئاسایشی فڕۆكه‌خانه‌ی نێوده‌وڵه‌تی سلێمانی ڕوونكردنه‌وه سه‌باره‌ت به ته‌قینه‌وه‌كه‌ی ئه‌مڕۆی فڕۆكه‌خانه‌كه‌یان بڵاو كرده‌وه و تێیدا جه‌ختی كرده‌وه كه ته‌قینه‌وه‌كه هیچ زیانێكی گیانی و ماددی نه‌بووه.
به‌ڕێوه‌به‌رایه‌تی ئاسایشی فڕۆكه‌خانه‌ی نێوده‌وڵه‌تی سلێمانی له ڕوونكردنه‌وه‌كه‌دا ڕایگه‌یاند: ئێواره‌ی ئه‌مڕۆ هه‌ینی كاتژمێر 4:18 خولەك لە نزیك سیاجی فڕۆكەخانەی نێودەوڵەتی سلێمانی تەقینەوەیه‌ك ڕووی دا.
ڕاشیگه‌یاند: ته‌قینه‌وه‌كه هیچ زیانێكی گیانی و ماددی نەبووه و ته‌نیا بووته هۆكاری ئاگر كەوتنەوە.
هه‌روه‌ها ڕایگه‌یاند: دەستبەجێ تیمەكانی بەرگریی شارستانیی فڕۆكەخانە گەیشتنە شوێنی ڕووداوەكە و ئاگرەكەیان كۆنترۆڵ كردووه.
ئاسایشی فڕۆكه‌خانه‌ی سلێمانی ئاماژه‌ی به‌وه‌ش دا: لە ئێستادا هێزەكانمان سەرقاڵی لێكۆڵینەوەن لەسه‌ر ڕووداوەكە و لە داهاتوودا زانیاری زیاتر بڵاو دەكەینەوە.
هه‌روه‌ها هاووڵاتییان و گەشتیارانیشی ئاگادار كرده‌وه كە هیچ گرفتێك لە فڕۆكەخانە نییە و گەشتەكان و كاروبارەكانی فڕۆكەخانە بەشێوەی ئاسایی خۆیان بەڕێوە دەچن.
کۆمێنت (0)
تا ئێستا هیچ کۆمێنتێک نەکراوە.