دوای ئه‌وه‌ی به هۆكاری شۆرتی كاره‌باوه ژماره‌یه‌ك له كاسبكارانی بازاری شێخ ئه‌ڵلا عاره‌بانه‌و كه‌پرو كه‌ل و په‌لی ناو دو‌كانه‌كانیان سوتاو زیانی مادیان به‌ركه‌وت" پێشتریش هه‌ر به هه‌مان هۆكاره‌وه" ژماره‌یه‌ك له دوكانه‌كانی بازاری سورچییان سوتاو كاسبكارانیان زیانیان به‌ركه‌وت.
ئه‌مرۆ شەممە رێكه‌وتی 8_4_2023 له دیوانی پارێزگادا ئومێد خۆشناو پارێزگاری هه‌ولێر" به ئاماده‌بوونی جێگرانی پارێزگارو یاریده‌ده‌رو قائیمقامی قه‌زای ناوه‌ندو سه‌رۆكی شاره‌وانی هه‌ولێرو به‌رێوه‌به‌ری به‌رگری شاره‌ستانی" كۆبوونه‌وه‌یه‌كی له‌گه‌ل كاسبكاره زیان به‌ركه‌وتووه‌كانی هه‌ردوو بازاری شێخ ئه‌ڵلاو بازاری سورچیان ئه‌نجامدا.
له میانی كۆنگره‌یه‌كی رۆژنامه‌نووسیدا" ئومێد خۆشناو پارێزگاری هه‌ولێر" له وته‌یه‌كدا دووپاتیكرده‌وه كه‌وا كاسبكاران توێژێكی ماندوو نه‌ناس و خۆشه‌ویستن له كۆمه‌ڵگای كورده‌واری" ئه‌گه‌رچی هۆكاری ئاگركه‌وتنه‌وه‌كان بۆ خودی خۆیان ده‌گه‌ڕێته‌وه" له‌گه‌ل ئه‌وه‌شدا وه‌ك هاوكاری نه‌ك قه‌ره‌بۆكردنه‌وه" مژده‌یی هاوكاری كردنیان پێ ده‌ده‌ین .
پارێزگاری هه‌ولێر" جه‌ختی كرده‌وه" كه ناكرێ ناوی ئه‌و كه‌سه نه‌هێنرێ كه هه‌ر زوو په‌یوه‌ندی پێوه كردین و ئێمه‌ی كرده وه‌كیل بۆ دابه‌شكردنی هاوكاری به‌سه‌ر زیان لێكه‌وتووان" ئه‌گه‌رچی خودی خۆی ره‌تیكرده‌وه كه ناوی بهێنرێ" به‌لام له واقێعدا فه‌رمانده (مه‌نسوور بارزانی) زۆر به په‌رۆشه‌وه له كاتی دیتنی دیمه‌نه‌كانی ئه‌و رووداوانه ئاماده باشی خۆی نیشانداو ئه‌و بڕه هاوكاریانه‌ی خسته ئه‌ستۆی خۆیه‌وه.
ئومێد خۆشناو پارێزگاری هه‌ولێر" ده‌ستخۆشی له قائیمقامی قه‌زای ناوه‌ندو سه‌رۆكایه‌تی شاره‌وانی هه‌ولێرو شاره‌وانی یه‌ك و به‌رگری شاره‌ستانی و به‌رێوبه‌رایه‌تی ژینگه‌و خزمه‌تگوزاری و پۆلیسی فریاكه‌وتن و تیمی ته‌ندورستی كرد" كه هه‌موویان وه‌ك یه‌ك تیم كاریان كردو ئاگره‌كه‌یان كۆنترۆڵكرد به‌ر له‌وه‌ی زیانی زیاتری لێ بكه‌وێته‌وه.
دواتر سەرجەم زیان لێكه‌وتووانی هه‌ردوو بازاری ناوبراو لە پاش خەملاندنی زیانەکانیان لە لایەن تیمەکانی شارەوانییەوە هاوكاریه‌كانیان پێشكه‌شكرا ...
هه‌ولێر... زیان لێكه‌وتووانی هه‌ردوو بازاری شێخ ئه‌ڵلاو سورچییان هاوكاریان به‌سه‌ردا دابه‌شكرا
100%
کۆمێنت (0)
تا ئێستا هیچ کۆمێنتێک نەکراوە.