سەرۆک بارزانی پەیامێکی بەبۆنەی هاتنەوەی جەژنی قیامەی حەزرەتی مەسیح (سڵاوی خوای لێ بێت) بڵاو کردەوە و پیرۆزبایی لە کریستیانەکان دەکات.
سەرۆک مەسعود بارزانی لە پەیامێکدا بەبۆنەی جەژنی قیامە پیرۆزبایی خۆی ئاراستەی خوشک و برایانی كریستیان لە كوردستان و عێراق و هەموو جیهان کرد و ڕایگەیاند: هیوادارم ئەو بۆنەیە ببێتە هۆی پتەوتربوونی برایەتی و تەبایی نێوان هەموو نەتەوەکان و شوێنکەوتووانی سەرجەم ئایینەکانی ناوچەکەمان.
دەقی پەیامەکەی سەرۆک مەسعود بارزانی بەبۆنەی جەژنی قیامەی حەزرەتی مەسیح (سڵاوی خوای لێ بێت):-
بەناوی خودای بەخشندە و میهرەبان
بەبۆنەی هاتنەوەی جەژنی قیامەی حەزرەتی مەسیح (سڵاوی خوای لێ بێت)، گەرمترین پیرۆزبایی خۆم ئاراستەی خوشك و برایانی كریستیان لە كوردستان و عێراق و هەموو جیهان دەكەم.
هیوادارم ئەو بۆنەیە ببێتە هۆی پتەوتربوونی برایەتی و تەبایی نێوان هەموو نەتەوەکان و شوێنکەوتووانی سەرجەم ئایینەکانی ناوچەکەمان.
لەو بۆنەیەدا هیوای ئاشتی و بەختەوەری و شادی بۆ هەموو خوشك و برا كریستیانەكانمان دەخوازم.
جەژنتان پیرۆز و بمێنن لە خێر و خۆشیدا.
مەسعود بارزانی
8ـی نیسانی 2023
کۆمێنت (0)
تا ئێستا هیچ کۆمێنتێک نەکراوە.