به‌گوێره‌ی نوێترین زانیارییه دیجیتاڵییه‌كانی پلاتفۆڕمی (IQAir) بۆ ژینگە و کەشوهەوا، ده‌ركه‌وتووه كه شاری هه‌ولێر له‌سه‌ر ئاستی عێراق پاكترین ژینگه‌ی هه‌یه.
روانگەی عێراق بۆ ژینگە و کەشوهەوا پشتڕاستی ده‌كاته‌وه كه سه‌رجه‌م شارەکانی هەرێمی کوردستان لە رووی کوالێتی هەواوه باشترن به به‌راورد به پارێزگاکانی دیكه‌ی عێراق کە پەیوەندی بە تەندروستی دانیشتووانه‌وه هەیە.
ر‌وانگه‌كه هه‌روه‌ها ئاشكرای كردووه: بەشی زانیاریی دیجیتاڵییه‌كانمان لە ڕێگەی پلاتفۆرمی IQAir تایبەتمەند بە پاراستنی هەوا لە گازه ژه‌هراوییه‌كان، ده‌ركه‌وتووه كه شاری هەولێر و شارەکانی دیكه‌ی کوردستان لە ریزبەندی پێشه‌وه دان بەسەر شارەکانی دیكه‌ی عێراقدا بە بەغدای پایتەختیشەوە.
جه‌خت له‌وه‌شكراوه‌ته‌وه كه پۆلێنکردنی ماڵپه‌ڕه‌كه بۆ ئەو ژمارانە، لە چوارچێوەی کەشوهەوای تەندروست و مامناوەنددا دێت بۆ ته‌ندروستی گشتی دانیشتوواندا، تێیدا هەولێر بە پلەی 72 یەکەمی لەسەر ئاستی عێراقه و بەغداش له پله‌ی 80 دایه.
کۆمێنت (0)
تا ئێستا هیچ کۆمێنتێک نەکراوە.