47 قوتابی گواستراونەتەوە بۆ نەخۆشخانە و زیاتر لە 20 کەسیشیان باری تەندروستییان باش نییە.
به گوێره‌ی هه‌واڵی ژماره‌یه‌ك میدیا و كه‌نالی راگه‌یاندنی جیهانی، لە شاری سەقز له كوردستانی ئێران، قوتابیانی قوتابخانه‌یه‌كی مێعراج-ی کچان بە ماددەی کیمیایی ژەهراوی بوون.
بەپێی ئەو دیمەنانەی لە تۆڕی کۆمەڵایەتییدا بڵاوکراونەتەوە، گرژی و ئاڵۆزی لەنێوان کەسوکاری قوتابیان و کارمەندانی ئەمنییدا دروست بووە.
سەقزییەکان کە ناڕەزایەتییان نیشانداوە بەرامبەر ئەو هێرشەی ژەهراویبوونی قوتابیانی لێکەوتووەتەوە، ئاڵای ئێرانیان لەسەر بینای قوتابخانه‌كه داگرتووە .
دوای ئەوەی هێزە ئەمنییەکان گەیشتوونەتە قوتابخانه‌كه گرژی و ئاڵۆزی لەنێوانیاندا دروست بووە.
لە دیمەنەکاندا بەدیدەکرێت کە بە ئۆتۆمبێلی فریاکەوتن و ئۆتۆمبێلی تایبەتی کەسوکاری قوتابیان، ئەو قوتابیانه‌ی ژەهراویبوون دەگوازرێنەوە بۆ نەخۆشخانە.
باس لەوەش کراوه کە لانیکەم 47 قوتابی گواستراونەتەوە بۆ نەخۆشخانە و زیاتر لە 20 کەسیشیان باری تەندروستییان باش نییە.
هێشتا لایەنی فەرمی روونکردنەوەی لەو بارەیەوە بڵاونەکردووەتەوە.
کۆمێنت (0)
تا ئێستا هیچ کۆمێنتێک نەکراوە.